சம்பந்தி தம்பி ராமையாவோடு திடீர் சர்ப்ரைஸ் கொடுத்த அர்ஜூன் - குஷியின் உச்சிக்கே சென்ற குட்டீஸ்

புதுக்கோட்டை மாவட்டம் திருமயம் அருகே கோயில் திருவிழாவில் கலந்து கொண்ட நடிகர்கள் அர்ஜுன், தம்பி ராமையா ஆகியோர் திடீரென அரசு பள்ளிக்கு சென்று மாணவ, மாணவிகளை மகிழ்ச்சியில் ஆழ்த்தினர். ராராபுரம் கிராமத்தில் அமைந்துள்ள திருவேட்டை அழகர் கோயில் ஆடி திருவிழாவில் நடிகர் அர்ஜுன், தம்பி ராமையா ஆகியோர் குடும்பத்துடன் சாமி தரிசனம் மேற்கொண்டனர். பின்னர், அருகிலிருந்த அரசு தொடக்கப் பள்ளிக்கு சென்ற அவர்களை மாணவ, மாணவியர் உற்சாகமாக வரவேற்றனர்.