கருணாநிதியின் நூற்றாண்டு விழா... இலச்சினையை வெளியிடுகிறார் முதல்வர் ஸ்டாலின்

முன்னாள் முதலமைச்சர் கருணாநிதி நூற்றாண்டு விழாவின் இலட்சினை முதலமைச்சர் ஸ்டாலின் இன்று வெளியிடுகிறார்.

சென்னை சேப்பாக்கத்தில் உள்ள கலைவாணர் அரங்கத்தில் நடைபெறும் விழாவில், முன்னதாக கருணாநிதியின் புகைப்பட கண்காட்சியை பார்வையிடும் முதல்வர், நூற்றாண்டு விழா இலட்சினையை வெளியிட உள்ளார். விழாவிற்கு அமைச்சர் துரைமுருகன் முன்னிலை வகிக்க, சிறப்பு விருந்தினராக மகாத்மா காந்தியின் பேரனும், மேற்குவங்க முன்னாள் ஆளுநருமான கோபால கிருஷ்ண காந்தி பங்கேற்று சிறப்பு உரையாற்றுகிறார். தொடர்ந்து, கருணாநிதியின் சாதனைகள் குறித்த குறும்படத்தை பார்வையிடும் முதலமைச்சர், விழாவில் சிறப்பு உரையாற்ற உள்ளார். இந்நிகழ்ச்சியில் தலைமைச் செயலாளர் இறையன்பு, அமைச்சர்கள், எம்எல்ஏக்கள், எம்பி-க்கள் உள்ளிட்ட ஏராளமானோர் பங்கேற்க உள்ளனர்.

--