காரில் வந்த மூவர் வைத்திருந்ததை பார்த்ததும் பதறிப்போன போலீஸ் - செக்கிங்க்கில் கண்ட அதிர்ச்சி காட்சி

நெல்லை அருகே, வாகன சோதனையின் போது மூவரை கைது செய்த போலீசார், அவர்களிடம் இருந்து 60 லட்ச ரூபாய் கள்ளநோட்டுகளை கைப்பற்றி விசாரணை நடத்தி வருகின்றனர். நெல்லை மாவட்டம் நாங்குநேரி அடுத்த பாணான்குளம் தேசிய நெடுஞ்சாலையில் போலீசார் ரோந்து பணியில் ஈடுபட்டிருந்தனர். அப்போது, சிவகாசியை சேர்ந்த சீமைசாமி, கோபால கிருஷ்ணன் மற்றும் சங்கரன் கோவிலை சேர்ந்த கிருஷ்ண சங்கர் ஆகிய மூவரை போலீசார் சந்தேகத்தின் அடிப்படையில் பிடித்து சோதனை நடத்தியதில் சிக்கி இருக்கின்றனர். மூவரிடம் இருந்தும் 60 லட்ச ரூபாய் பணம், ஆயுதங்கள், 8 செல்போன்கள் மற்றும் கள்ள நோட்டு தயாரிக்கும் உபகரணங்களை பறிமுதல் செய்திருக்கும் போலீசார், தீவிர விசாரணை நடத்தி வருகின்றனர்.