மதுரையில் ஜன. 14 பொங்கலன்று அவனியாபுரத்தில் முதல் ஜல்லிக்கட்டு போட்டி துவங்குகிறது. ஜன.15ல் பாலமேடு, 16ல் அலங்காநல்லுாரில் அரசு சார்பில்
மதுரை அவனியாபுரம் பாலமேடு அலங்காநல்லூர் ஜல்லிக்கட்டு போட்டிகளில் கலந்து கொள்ள உள்ள காளைகள் மற்றும் மாடுபிடி வீரர்களுக்கான முன்பதிவு நாளை முதல் தொடக்கம் ஆன்லைன் மூலமாக முன்பதிவு செய்து கொள்ள மாவட்ட நிர்வாகம் அறிவிப்பு
*மதுரை மாவட்டம் அவனியாபுரத்தில் வருகிற 14.01.2025-ம் தேதியன்றும் மற்றும் பாலமேட்டில் 15ஆம் தேதியும் , உலகப்புகழ்பெற்ற அலங்காநல்லூர் ஜல்லிக்கட்டு 16ஆம் தேதியும் நடைபெறவுள்ளது
*இந்த 3 ஜல்லிக்கட்டில் கலந்து கொள்ளவுள்ள மாடுபிடி வீரர்கள் madurai.nic.in இணையதளம் மூலம் தங்களது பெயர்களை 06.01.2025 தேதி மாலை 05.00 முதல் 07.01.2025 தேதி மாலை 05.00 மணி முடிய பதிவு செய்திட மாவட்ட நிர்வாகம் அறிவிப்பு*l
*இதேபோன்று ஜல்லிக்கட்டு போட்டிகளில் கலந்து கொள்ளும் காளைகளுக்கான பதிவுகளையும் madurai.nic.in என்ற இணையதளத்தில் பதிவேற்றம் செய்யப்பட வேண்டும்
*ஜல்லிக்கட்டில் கலந்துகொள்ளும் மாடுகள் ஜல்லிக்கட்டு நடைபெறும் அவனியாபுரம், பாலமேடு மற்றும் அலங்காநல்லூர் ஆகிய மூன்று கிராமங்களில் நடைபெறும் ஜல்லிக்கட்டுகளில் ஏதாவது ஒரு கிராமத்தில் மட்டுமே கலந்து கொள்ள அனுமதியளிக்கப்படும்.
*ஜல்லிக்கட்டில் கலந்துகொள்ளவுள்ள மாட்டின் உரிமையாளர்கள் madurai.nic.in இணையதளம் மூலம் தங்களது பெயர்களை 06.01.2025 தேதி மாலை 05.00 முதல் 07.01.2025 தேதி மாலை 05.00 மணி முடிய பதிவு செய்திடல் வேண்டும்.
*ஜல்லிக்கட்டு நிகழ்ச்சிகளில் கலந்து கொள்ளவுள்ள காளையுடன் ஒரு உரிமையாளர் மற்றும் காளையுடன் நன்கு பழக்கமுள்ள ஒரு உதவியாளர் மட்டுமே அனுமதிக்கப்படுவர்
*பதிவு செய்தவர்களின் சான்றுகள் சரிபார்க்கப்பட்டபின் தகுதியான நபர்களுக்கு மட்டுமே டோக்கன் பதிவிறக்கம் செய்ய இயலும். அவ்வாறு டோக்கன் பதிவிறக்கம் செய்த நபர்கள் மட்டுமே ஜல்லிக்கட்டு விளையாட்டில் பங்கேற்க அனுமதிக்கப்படுவர் என மாவட்ட நிர்வாகம் அறிவிப்பு