பட்டம் வாங்க வந்த மாணவிக்கு வணக்கம் வைத்த பிரதமர் மோடி. மாணவனிடம் செல்லமாக கிண்டல். கலகலப்பான மேடை.!

திருச்சி பாரதிதாசன் பல்கலைக் கழகத்தின் 38வது பட்டமளிப்பு விழா பல்கலைக் கழக வளாகத்தில் நடைபெற்றது. இதில் பிரதமர் மோடி, ஆளுநர் ஆர்.என்.ரவி, முதலமைச்சர் மு.க.ஸ்டாலின், உயர்கல்வித்துறை அமைச்சர் ராஜ கண்ணப்பன் உள்ளிட்டோர் கலந்துகொண்டனர். அப்போது பிரதமர் மோடிக்கு பல்கலைக் கழகம் சார்பில் நினைவுப் பரிசு வழங்கப்பட்டது. தொடர்ந்து, மாணவ, மாணவிகளுக்கு பட்டங்கள் மற்றும் பதக்கங்களை வழங்கி பிரதமர் மோடி பாராட்டினார். சுமார் 250 மாணவ, மாணவிகள் பட்டமளிப்பு விழாவில் அனுமதிக்கப்பட்டனர்.