பிச்சை எடுக்க 2 மாத பிஞ்சு குழந்தையோடு 7 குழந்தைகள் - சென்னையில் பேரதிர்ச்சி

சென்னையில், ரயில்களில் குழந்தைகளுடன் பிச்சை எடுத்த 3 வட மாநில பெண்கள் கைது செய்யப்பட்டனர். சென்னை மாவட்ட குழந்தைகள் நல துறை அதிகாரிகள் ரயில்களில் சோதனை செய்தனர். அப்போது, மீனம்பாக்கம், திரிசூலம் பகுதிகளில் உள்ள ரயில் நிலையங்கள் மற்றும் ரயில்களில் சின்ன குழந்தைகளை வைத்து 3 பெண்கள் பிச்சை எடுப்பதை கண்டனர். அவர்களை கைது செய்து விசாரணை நடத்தினர். அப்போது,அவர்கள், சத்தீஸ்கர், ராஜஸ்தான் ஆகிய மாநிலத்தை சேர்ந்தவர்கள் என தெரியவந்தது. இவர்களிடம் இருந்து 2 மாத குழந்தை உள்பட 7 குழந்தைகள் மீட்டு, குழந்தைகள் நல பாதுகாப்பு அதிகாரிகளிடம் ஒப்படைக்கப்பட்டனர்.