பொங்கலுக்கு அரசு தரும் பரிசு.. வெளியான முக்கிய தகவல் | 2025 Tamilnadu Pongal

விசைத்தறி சேலைகளுக்காக 3 ஆயிரத்து 50 டன் 60ஆம் நம்பர் கலர் கோன் நூல், விசைத்தறி வேட்டிகளுக்கு 3 ஆயிரத்து 597 டன் பாலிகாட் கிரே பாவு நூல் வாங்க கைத்தறி துறை டெண்டர் கோரியுள்ளது. பொங்கல் பண்டிகைக்கான இலவச வேட்டி சேலை வழங்கும் திட்டத்திற்கு 100 கோடி ரூபாய் ஒதுக்கீடு செய்து சில நாட்களுக்கு முன்பு அரசாணை வெளியிடப்பட்டது. இத்திட்டத்தின் மூலம் 2025 தைப் பொங்கல் திருநாளையொட்டி, தமிழ்நாடு முழுவதிலும் உள்ள ஏழை மக்களுக்கு ஏறத்தாழ ஒரு கோடியே 77 இலட்சத்து 64 ஆயிரம் சேலைகளும், ஏறத்தாழ 1 கோடியே 77 இலட்சத்து 22 ஆயிரம் வேட்டிகளும் வழங்கப்பட உள்ளது.