இப்படியும் ஒரு எதார்த்தமான கலெக்டரா! - வைரல் வீடியோ... பூரிக்கும் மக்கள்

பல்லடம் அருகே Digital crop survey பணியில் ஈடுபட்டிருந்த வேளாண் மாணவர்களுடன் திருப்பூர் மாவட்ட ஆட்சியர் கிறிஸ்துராஜ் அமர்ந்து மதிய உணவு சாப்பிட்டார். பொங்கலூர் ஊராட்சி ஒன்றியத்துக்கு உட்பட்ட தொங்குட்டி பாளையம் கிராமத்தில், சாகுபடி செய்யப்பட்ட பயிர்களை பதிவு செய்யும் பணியில் வேளாண் மாணவர்கள் ஈடுபட்டனர். அப்போது, அங்கு சென்ற மாவட்ட ஆட்சியர் கிறிஸ்துராஜ் மற்றும் வேளாண்துறை அதிகாரிகள், டிஜிடல் சர்வே பணியை ஆய்வு செய்தனர். பின்னர், மாணவர்களுடன் அங்கேயே தரையில் அமர்ந்த மாவட்ட ஆட்சியர், மதிய உணவு சாப்பிட்டு கலந்துரையாடினார்.