திடீரென கார் கதவை திறந்த பெண்... வந்த வேகத்தில் மோதி பைக்கோடு நடுரோட்டில் விழுந்த நபர் - பரபரப்பு சிசிடிவி காட்சிகள்
தருமபுரி மாவட்டம், பாலக்கோட்டில் நின்று கொண்டிருந்த காரின் கதவை திடீரென திறந்ததால், கார் கதவில் மோதி இரு சக்கர வாகன ஓட்டி படுகாயம் அடைந்தார். பாலக்கோட்டைச் சேர்ந்த நாகராஜ் என்பவர், இருசக்கர வாகனத்தில் வந்து கொண்டிருந்தபோது, சொகுசு காரில் இருந்த பெண் திடீரென்று காரின் கதவை திறந்தார். அப்போது, கார் கதவில் இருசக்கர வாகனம் மோதி விபத்திற்குள்ளானது. இதில், பலத்த காயமடைந்த நாகராஜை அக்கம் பக்கத்தினர் மீட்டு பாலக்கோடு அரசு மருத்துவமனையில் சேர்த்தனர். விபத்து குறித்த காட்சிகள் சமூக வலைதளங்களில் வைரலாகி வருகிறது.