10 ரூபாய் coin வாங்காத பெட்ரோல் பங்க் - வேதனையில் வீடியோ வெளியிட்ட நபர்

காஞ்சிபுரம் மாவட்டம் உத்திரமேரூரில் உள்ள பெட்ரோல் பங்கில், பத்து ரூபாய் நாணயம் வாங்க மறுப்பதாக புகார்கள் எழுந்துள்ளன. பாலமுருகன் என்பவர் தனது டூவிலருக்கு பெட்ரோல் நிரப்புமாறு கேட்டுள்ளார். அவர் கையில் 5 பத்து ரூபாய் நாணயங்கள் இருப்பதை கண்ட பெட்ரோல் பங்க் ஊழியர், பத்து ரூபாய் நாணயங்களை வாங்க முடியாது என தெரிவித்து, பெட்ரோல் போடவும் மறுத்துள்ளார். இதுகுறித்து வீடியோ வெளியிட்டுள்ள அவர், சம்பந்தப்பட்ட பெட்ரோல் பங்க் மீது நடவடிக்கை எடுக்க வேண்டுமென கோரிக்கை விடுத்துள்ளார்.