குடிபோதையில் ஏற்பட்ட தகராறு - தட்டி கேட்டவரை ஓட ஓட...தூத்துக்குடியை மிரட்டிய கொடூர சம்பவம்
நெல்லை மாவட்டம் சிவந்திபட்டி அருகேயுள்ள பற்பநாதபுரத்தை சேர்ந்தவர் சுரேஷ். இவர் தன் மனைவியுடன் தூத்துக்குடி மாவட்டம் முத்தாலங்குறிச்சியில் உள்ள செங்கல் சூளையில் தங்கி கூலி வேலை செய்து வந்த நிலையில், சம்பவத்தன்று வேலை முடிந்து ஸ்ரீவைகுண்டம் அருகே தனது இரு சக்கர வாகனத்தில் சென்றுள்ளார். அப்போது, சுரேஷை வழிமறித்து அரிவாளால் தாக்கிய மர்மநபர்கள், தப்பியோட முயன்ற அவரை, ஓட ஓட விரட்டி படுகொலை செய்தது அதிர்ச்சியை ஏற்படுத்தியது. விசாரணையில், கொலையாளிகள் மதுபோதையில் தகராறு செய்ததை சுரேஷ் தட்டிக்கேட்டதால் கொலை செய்யப்பட்டார் என கூறப்படும் நிலையில், சம்பவம் குறித்து வழக்குபதிவு செய்துள்ள போலீசார், கொலையாளிகளை வலை வீசி தேடி வருகின்றனர்.