திருச்சி திருவெறும் பூர் அருகே பகுஜன் சமாஜ் கட்சியின் மாவட்ட செயலாளர் வீட்டின் மீது பெட்ரோல் குண்டு வீசப்பட்ட சம்பவம் தொடர்பாக மேலும் 2 பேரை போலீசார் கைது செய்தனர். கீழக்கல்கண்டார் கோட்டையைச் சேர்ந்த ரவிச்சந்திரனின் வீட்டின் மீது கடந்த 23-ஆம் தேதி மர்ம நபர்கள், 3 பெட்ரோல் குண்டுகளை வீசிவிட்டு தப்பிச் சென்று விட்டனர். இந்த சம்பவத்தில் தொடர்புடைய லோகேஷ் என்பவரை திருவெறும்பூர் போலீசார் கைது செய்த நிலையில், சச்சின் மற்றும் ராக்கி ஆகிய இருவரையும் தற்போது கைது செய்துள்ளனர். மேலும் ராகுல் என்பவரைத் தேடி வருகின்றனர்.