இஸ்ரேல் தாக்குதலால் காசாவில் கொல்லப்பட்ட பாலஸ்தீனியர்களின் எண்ணிக்கை 43 ஆயிரத்து 552ஆக அதிகரித்துள்ளது... கடந்த ஆண்டு அக்டோபர் 7ம் தேதி போர் துவங்கியது முதல் இதுவரை 1 லட்சத்து 2 ஆயிரத்து 765 பேர் படுகாயமடைந்துள்ளனர்... கடந்த 24 மணி நேரத்தில் மட்டும் இஸ்ரேல் ராணுவத்தால் 44 பாலஸ்தீனியர்கள் கொல்லப்பட்டுள்ளனர். கான் யூனிசில் இடம்பெயரச் செய்யப்பட்ட பாலஸ்தீனியர்கள் தங்கி இருந்த முகாமில் இஸ்ரேல் நடத்திய வான்வழித் தாக்குதலில் ஒரு பெண், ஒரு குழந்தை உள்பட 9 பேர் கொல்லப்பட்டனர். இதுவரை கொல்லப்பட்ட 43 ஆயிரத்து 552 பாலஸ்தீனியர்களில் 70 சதவீதம் பேர் குழந்தைகள் மற்றும் பெண்கள் என ஐநா மனித உரிமைகள் ஆணையம் அதிர்ச்சிகர தகவலைத் தெரிவித்துள்ளது குறிப்பிடத்தக்கது.