பைக் மீது மோதிய டிப்பர் லாரி..! தூக்கி வீசப்பட்டு பலியான 2 பெண்கள்.. திருவள்ளூரில் அதிர்ச்சி சம்பவம்

திருவள்ளூர் மாவட்டம் கும்மிடிப்பூண்டி அருகே கவரப்பேட்டையில் இருசக்கர வாகனத்தின் மீது டிப்பர் லாரி மோதிய விபத்தில், இருசக்கர வாகனத்தில் பயணம் செய்த இரண்டு பெண்கள் உயிரிழந்தனர். தனியார் பள்ளி வேனில் பெண் உதவியாளர்களாக வேலை செய்து வந்த சோம்பட்டு கிராமத்தை சேர்ந்த நந்தினி மற்றும் கவரப்பேட்டையை சேர்ந்த விஜயா ஆகிய இருவரும் இருசக்கர வாகனத்தில்

கீழ்முதலம்பேடு செல்லும் சந்திப்பு சாலையில் சென்று கொண்டிருந்தபோது, அதே திசையில் வந்த டிப்பர் லாரி ஒன்று இருசக்கர வாகனத்தின் பின்னால் மோதியதால் இந்த விபத்து நடந்துள்ளது. விபத்தை ஏற்படுத்திய லாரி ஓட்டுனரான நெல்லை சேர்ந்த முத்துகிருஷ்ணன் கைது செய்யப்பட்டார்.