ஊட்டிக்கு டூர் வந்த பெங்களூர் பெயிண்டர்...திருடனாக மாற்றிய ஒற்றை வீடு | Ooty | Bangalore | TN Police

உதகை நகரில் உள்ள எச்.எம்.டி பகுதியை சேர்ந்த சந்தோஷ்குமார், தனது மனைவியுடன் கடந்த 23ஆம் தேதி வீட்டில் தூங்கிக் கொண்டிருந்தபோது, மாடி வழியாக கதவை உடைத்துக் கொண்டு நுழைந்த மர்ம நபர், அவர்கள் தூங்கிக் கொண்டிருந்த அறையின் கதவை பூட்டிவிட்டு, வீட்டிலிருந்த மூன்றரை சவரன் நகை மற்றும் வெள்ளி பொருட்கள் உள்ளிட்டவற்றை திருடி சென்றுள்ளார். இந்த திருட்டு சம்பவம் தொடர்பாக போலீசாரர்களிடம் புகார் அளிக்கப்பட்ட நிலையில், சிசிடிவி காட்சிகளை கொண்டு அவர்கள் நடத்திய விசாரணையில், பெங்களூரில் தங்கி பெயிண்டராக பணியாற்றி வரும் சையது அப்சல் இந்த திருட்டில் ஈடுபட்டது தெரியவந்தது. இதை அடுத்து உதகை போலீசார் பெங்களூரு சென்று சையது அப்சலை கைது செய்து அழைத்து வந்து, நீதிமன்றத்தில் ஆஜர் படுத்தி சிறையில் அடைத்தனர்.