சென்னை கோயம்பேடு சந்தை வியாபாரிகள் எந்தவித அடிப்படை வசதியும் இல்லை என திடீர் மறியல் போராட்டத்தில் ஈடுபட்டதால் பெரும் பரபரப்பு நிலவியது... இதனால் அங்கு கடும் போக்குவரத்து நெரிசல் ஏற்பட்ட நிலையில், தகவல் அறிந்து வந்த சிஎம்டிஏ மாநகராட்சி அதிகாரிகள் பேச்சுவார்த்தை நடத்தினர். அவர்களை முற்றுகையிட்ட வியாபாரிகள் தங்கள் கோரிக்கைகளை முன்வைத்து வாக்குவாதத்தில் ஈடுபட்டனர். இதனால் அங்கு பதற்றம் நிலவியது... தொடர்ந்து செய்தியாளர்களை சந்தித்த வியாபாரிகள் முறையான பராமரிப்புகளை செய்யாததால் அடிக்கடி விபத்துகள் நிகழ்வதாகவும், மழை நீர் வடிகால் பணிகள் சரியாக மேற்கொள்ளப்படாததால் தண்ணீர் தேங்கி கழிவு நீராக மாறி நோய் பரவும் அபாயம் உருவாகியுள்ளதாகவும் குற்றம் சாட்டினர்.