அரசு பள்ளியில் மோதிக்கொண்ட மாணவர்கள் - உடனே பாய்ந்த வழக்கு

அரியலூர் மாவட்டம் விக்கிரமங்கலத்தில் மோதிக்கொண்ட 18 பள்ளி மாணவர்கள் மீது வழக்குப்பதிவு செய்யப்பட்டுள்ளது. அங்குள்ள அரசுப்பள்ளியில் படிக்கும் இருதரப்பு மாணவர்களிடையே, பைக்ரேஸ் விடுவது தொடர்பாக தகராறு இருந்ததாக கூறப்படுகிறது. இந்நிலையில் ஒருதரப்பை சேர்ந்த மாணவரை, மற்றொரு தரப்பு மாணவர்கள் திடீரென தாக்கியுள்ளனர். தகவலறிந்து அரசுப்பள்ளிக்கு விரைந்து விசாரணை நடத்திய போலீசார், இருதரப்பை சேர்ந்த 18 மாணவர்கள் மீது வழக்குப்பதிவு செய்து, சிறுவர் சீர்திருத்த பள்ளிக்கு அழைத்துச் சென்றனர்.