பௌலிங்கில் சொல்லி அடித்த இந்திய அணி.. சுருண்டு விழுந்த பாகிஸ்தான் | Women Asia Cup 2024

மகளிர் ஆசியக்கோப்பை டி20 கிரிக்கெட் தொடரில், பாகிஸ்தானை 7 விக்கெட்டுகள் வித்தியாசத்தில் இந்திய அணி வீழ்த்தியது. இலங்கையின் தம்புல்லா மைதானத்தில் குரூப் A பிரிவில் நடைபெற்ற போட்டியில், இந்தியா மற்றும் பாகிஸ்தான் மகளிர் அணிகள் மோதின. முதலில் பேட் செய்த பாகிஸ்தான் அணி 108 ரன்களுக்கு சுருண்டது. தொடர்ந்து பேட் செய்த இந்தியா 3 விக்கெட்டுகளை மட்டும் இழந்த நிலையில் வெற்றி இலக்கை எட்டியது. இந்திய வீராங்கனைகள் ஸ்மிருதி மந்தனா 45 ரன்களும், ஷஃபாலி வர்மா 40 ரன்களும் எடுத்தனர். இதன்மூலம் 2 புள்ளிகள் பெற்ற இந்திய மகளிர் அணி குரூப் A பிரிவில் முதலிடம் பிடித்தது.