ஒரே நேரத்தில் ஒரே இடத்தில் உயிரை விட்ட மாமனார், மருமகன் - சோகத்தின் உச்சம்

கேரளா மாநிலம், மலப்புரம் மாவட்டத்தில் டிப்பர் லாரி கட்டுப்பாட்டை இழந்து கார், பைக் மற்றும் ஆட்டோ மீது மோதியதில் இருசக்கர வாகனத்தில் சென்ற 2 பேர் உயிரிழந்தனர். வாழக்காடு முண்டுமுழி பகுதியில் கருங்கல் ஏற்றி வந்த டிப்பர் லாரி கட்டுப்பாட்டை இழந்து, சாலையில் சென்று கொண்டிருந்த கார்,பைக் மற்றும் நின்று கொண்டிருந்த ஆட்டோ மீது மோதியது. இதில் இருசக்கர வாகனத்தில் சென்று கொண்டிருந்த முஹம்மது அஷ்ரப், அவரது மருமகன் நியாஸ் ஆகிய இருவரும் சம்பவ இடத்திலேயே உயிரிழந்தனர்.மேலும் கார், ஆட்டோவில் வந்தவர்கள் காயமடைந்து, மருத்துவமனையில் சிகிச்சை பெற்று வருகின்றனர்.