"ஹாப்பி பர்த்டே டூ யூ"... திடீர் சர்ப்ரைஸ் கொடுத்த மாணவர்கள் - நெகிழ்ச்சியடைந்த முதல்வர் மு.க.ஸ்டாலின்

முதலமைச்சர் மு.க.ஸ்டாலினுக்கு, பள்ளி குழந்தைகள் பாட்டுப்பாடி பிறந்தநாள் வாழ்த்து தெரிவித்தது கவனம் பெற்றது.

சென்னை அண்ணா நூற்றாண்டு நூலகத்தில் நடைபெற்ற 'ஏற்றமிகு ஏழு' திட்டப் பணிகளின் தொடக்க விழாவில் முதல்வர் ஸ்டாலின் பங்கேற்றார்.

இந்த நிகழ்ச்சியின் நிறைவாக, நாளை 70வது பிறந்தநாள் காணும் முதல்வர் ஸ்டாலினுக்கு, அரசு பள்ளி மாணவர்கள் பாட்டுப்பாடி தங்களது வாழ்த்துகளை தெரிவித்தனர்.

குழந்தைகளின் வாழ்த்து பாடலை ரசித்துக் கேட்ட முதல்வர், மேடையில் இருந்தபடி, அவர்களுக்கு தனது நன்றியை தெரிவித்தார்.

இந்த நிகழ்வு அனைவரின் கவனத்தையும் ஈர்த்தது.