ஊட்டியில் பிறந்த மர்லின் மன்றோ 2.O..சுதந்திரத்துக்கு முன் பிறந்து சதமடித்த அழகி

ஊட்டியில் பிறந்த மர்லின் மன்றோ 2.O..சுதந்திரத்துக்கு முன் பிறந்து சதமடித்த அழகி - அமிதாப் பச்சன் கொடுத்த சர்ப்ரைஸ்

உதகையில் நூறாவது பிறந்த நாளை கொண்டாடிய ஆங்கிலேய பெண்மணிக்கு, நடிகர் அமிதாப் பச்சன் வாழ்த்து மடல் அனுப்பினார். சுதந்திரத்திற்கு முன், கடந்த 1924 ஜூன் 24-ல் நீலகிரி மாவட்டம் உதகையில் பிறந்த ஆங்கிலேய பெண்மணி டேஃப்னி சாம்சன், தனது 100-வது பிறந்தநாளை சிறப்பாக கொண்டாடினார். மாடல் அழகியான இவர் மர்லின் மன்றோ போன்ற தோற்றத்தில் இருந்ததால் 1950ம் ஆண்டு மும்பையில் நடைபெற்ற மர்லின் மன்ரோ லுக் அலைக்(Marlilyn monroe lookalike) போட்டியில் முதல் பரிசை வென்றுள்ளார். ஆங்கிலோ இந்திய சங்கத்தின் கட்டுப்பாட்டில் லேடி வில்லிங்டன் ஹோமில் வசித்து வந்த டேஃப்னி, தனது 100-வது பிறந்தநாளை தன்னுடன் பணியாற்றியவர்கள் உள்ளிட்டோருடன் கொண்டாடி மகிழ்ந்தார். இந்நிலையில், 100-வது பிறந்தநாளை கொண்டாடிய இவருக்கு நடிகர் அமிதாப் பச்சன் பிறந்தநாள் வாழ்த்து தெரிவித்து மடல் அனுப்பினார்.