புத்தாண்டின் முதல்நாளே விழுந்த இடி... காலை விடிந்ததும் சென்னை ஐடி ஊழியர்களுக்கு ஷாக்

சென்னையில், புத்தாண்டு நாளில் ஐடி ஊழியர்களின் விலை உயர்ந்த 3 பைக்கை திருடிய இருவரை கைது செய்த கேளம்பாக்கம் போலீசார், முக்கிய குற்றவாளியை தேடி வருகின்றனர். சிறுசேரி சிப்காட் ஐடி நிறுவனத்தில் பணியாற்றி வரும் ஊழியர்கள் அதே பகுதியில் தனியார் அடுக்குமாடி குடியிருப்பில் வசித்து வருகின்றனர். வீட்டில் நிறுத்தி வைக்கப்பட்டிருந்த பைக்குகள், புத்தாண்டு காலையில் காணாமல் போனது புகார் அளித்தனர்.

சிசிடிவி காட்சிகள் மற்றும் கொள்ளையர்கள் பயன்படுத்திய ஃபோன் நெட்வொர்க் வைத்து அவர்களை கண்டுபிடித்தனர். கண்ணகி நகர் பகுதியை சேர்ந்த துரைராஜ், திருமழிசை பகுதியை சேர்ந்த தினகரன் ஆகிய இருவரை கைது செய்து 3 பைக்குகளை பறிமுதல் செய்தனர். இருவரையும் சிறையில் அடைத்த போலீசார், முக்கிய குற்றவாளியை தேடி வருகின்றனர்.