கடிதம் எழுதிய 3ம் வகுப்பு மாணவன்... நிறைவேற்றிய முதல்வர் ஸ்டாலின் நெகிழ வைக்கும் சம்பவம்

முதலமைச்சர் கொடியேற்றுவதை நேரில் பார்க்க வேண்டும் என முதலமைச்சருக்கு கடிதம் எழுதிய மாணவர், கோட்டை கொத்தளத்தில் முதலமைச்சர் மு.க.ஸ்டாலின் கொடியேற்றியதை நேரில் கண்டு ரசித்தார்.

ராமநாதபுரம் மாவட்டம் கமுதி அருகேவுள்ள உள்ள ஊராட்சி ஒன்றிய தொடக்கப் பள்ளியில் 3ம் வகுப்பு படித்து வருபவர் லிதர்சன்.

இவர், சுதந்திர தினத்தன்று முதலமைச்சர் கொடி ஏற்றுவதை நேரில் காண ஆசைப்படுவதாக, கடிதம் எழுதி கடந்த 3ம் தேதி முதலமைச்சருக்கு அனுப்பியுள்ளார்.

இந்நிலையில், சிறப்பு அனுமதி பெற்று, முதலமைச்சர் மு.க.ஸ்டாலின் கொடியேற்றியதை தனது தாயுடன் இணைந்து மாணவர் லிதர்சன் கண்டுகளித்தார்.