இரு சிறுவர்களால் பரபரத்த போலீசார் - விசாரணையில் வெளியான அதிர்ச்சி தகவல்
சென்னை, பாரிமுனையில் உள்ள காப்பகத்தில், இரு சிறுவர்கள் சுவர் ஏறி குதித்து தப்பியோடி இருக்கின்றனர். சென்னை, பாரிமுனையின் நைனியப்பன் நாயக்கன் தெருவில் சிறுவர்களுக்கான தனியார் காப்பகம் ஒன்று செயல்பட்டு வருகிறது. அங்கு இரு சிறுவர்கள் காணாமல் போனதாக போலீசில் புகாரளிக்கப்பட்டிருக்கிறது. விசாரணையில், இருவரும் காப்பகத்தில் இருந்து சுவரேறி குதித்து தப்பியோடியது தெரியவந்தது. இதில் ஒரு சிறுவன் எர்ணாவூரில் உள்ள அவரது வீட்டிற்கு சென்றது தெரியவர அவரை மீட்ட போலீசார், மேலும் தலைமறைவாக உள்ள ஒரு சிறுவரை தொடர்ந்து தேடி வருகின்றனர்.