JEE முதன்மைத் தேர்வில் நெல்லை மாணவர் சாதனை - பள்ளிக்கல்வித்துறை அமைச்சர் சொன்ன விஷயம்

தேசிய முகமை தேர்வு நிறுவனம் சார்பாக பொறியியல் உயர்கல்விக்கான ஜே.இ.இ நுழைவுத் தேர்வு இந்த ஆண்டு நடத்தப்பட்டது. இதில் முதன்மை தேர்வு பிரிவில், பாளையங்கோட்டையைச் சேர்ந்த தனியார் பள்ளி மாணவர் முகுந்த் பிரதீஷ் 300-க்கு 300 மதிப்பெண் பெற்று சாதனை படைத்துள்ளார். இதில் இந்திய அளவில் 23 மாணவர்கள் முழுமதிப்பெண் பெற்று முதலிடம் பெற்றதில், தமிழகத்தில் இருந்து முகுந்த் இச்சாதனையை படைத்துள்ளார். இதைத் தொடர்ந்து, மாணவருக்கு பல்வேறு தரப்பினரும் தங்கள் வாழ்த்துகளை தெரிவித்து வருகின்றனர்.