சிதம்பரம் நடராஜர் கோயிலில், அதிருத்ர மகாபிஷேகமானது சந்திரயான் 3 வெற்றியை கொண்டாடும் வகையில் நடைபெற்றது. பிரசித்தி பெற்ற சிதம்பரம் நடராஜர் ஆலயத்தில், வருடந்தோறும் நடைபெறும் அதிருத்ர மகாபிஷேகமானது, இன்று விமரிசையாக நடைபெற்றது. அப்போது நடராஜருக்கும் சிவகாமி அம்மைக்கும் உரித்தான புனித நீர்க்குடங்கள், சந்திரயான் 3 வெற்றியை குறிக்கும் வகையில், சந்திர பிறை வடிவ பீடத்தில் வைக்கப்பட்டு பூஜை செய்யப்பட்டது. அதனைத்தொடர்ந்து அங்கு வைக்கப்பட்டிருந்த கலசங்கள் கனகசபைக்கு எடுத்துச் செல்லப்பட்டு, நடராஜர் - சிவகாமி அம்பைக்கு மகாபிஷேகம் செய்யப்பட்டது.