நீலகிரியில் மரம் விழுந்து பலியான உயிர்.. உறவினர் பரபரப்பு குற்றச்சாட்டு
நீலகிரியில் மரம் விழுந்து பலியான உயிர்.. உறவினர் பரபரப்பு குற்றச்சாட்டு
நீலகிரி மாவட்டம் குன்னூரில் மரம் முறிந்து விழுந்து ஒருவர் பலியான சம்பவம் சோகத்தை ஏற்படுத்தியுள்ளது.
குன்னூர் சுற்றுவட்டார பகுதிகளில் கடந்த சில நாட்களாக பலத்த மழை பெய்து வருகிறது. இதனால் மரங்கள் முறிவதும் பாறைகள் சரிந்து விழுவதும் வாடிக்கையாகி வருகிறது. இதன் காரணமாக போக்குவரத்து பாதிக்கப்பட்டு ஏராளமான வாகன ஓட்டிகள் அவதி அடைந்து வந்தனர். இந்நிலையில் குர்காஹில் பகுதியை சேர்ந்த ஜாகீர் என்பவர் தனது காரில் ராணுவ மைய நுழைவு வாயில் அருகே சென்று கொண்டிருந்தார். அவரது காரின் மீது மரம் ஒன்று முறிந்து விழுந்தது. இதில் ஜாகீரின் கழுத்து பகுதி சிதைந்து சம்பவ இடத்திலேயே பலியானார். காருக்குள் சிக்கிய ஜாகீரின் உடலை மீட்க, தீயணைப்புத்துறை மற்றும் காவல் துறையினர் பெரிதும் போராடினர். ஜேசிபி இயந்திரம் கொண்டுவரப்பட்டு, முதலில் மரமானது அகற்றப்பட்டது. இதனையடுத்து, நெழிந்து போன காருக்குள் இருந்து, ஜாகீரின் உடல் மீட்கப்பட்டு, அரசு மருத்துவமனைக்கு அனுப்பி வைக்கப்பட்டது.