சென்னையில் தனியாக நின்ற லாரி... திடீரென வந்த போன் கால் - திறந்து பார்த்த போலீசாருக்கு அதிர்ச்சி

சென்னை, எண்ணூர் துறைமுகம் நோக்கி சென்று கொண்டிருந்த கண்டெய்னர் லாரி ஒன்று திருவொற்றியூரில் பழுதாகி நின்றுள்ளது. லாரி முழுவதும் வெடிமருந்துகள் இருந்தது அங்கு பரபரப்பை ஏற்படுத்திய நிலையில், லாரி ஓட்டுநரே போலீசாருக்கு தகவல் தெரிவித்தது குழப்பத்தை ஏற்படுத்தியது. விசாரணையில், சம்பந்தப்பட்ட லாரி, வெடிமருந்துகளை வெளிநாட்டிற்கு ஏற்றுமதி செய்யும் கண்டெய்னர் லாரி என்றும், மணலி யார்டில் இருந்து எண்ணூர் துறைமுகம் நோக்கி சென்ற போது பழுதாகி நின்றதும் தெரியவந்துள்ளது. வெடிமருந்துகளுடன் லாரி சாலையில் பழுதாகி நின்றதால் அசம்பாவிதங்கள் ஏதும் நடந்துவிடுமோ என பதறிப்போன ஓட்டுநர் போலீஸில் தகவல் தெரிவித்ததும் தெரியவந்தது. உடனே, துப்பாக்கி ஏந்திய போலீசாரின் பாதுக்காப்புடன் லாரியின் பழுது சரி செய்யப்பட்டு, மீண்டும் மணலி யார்டிற்கே அனுப்பி வைக்கப்பட்டது.