கடந்த 2021 மே முதல் 2024 மார்ச் வரையிலான காலகட்டத்தில் 542 கோவில்களுக்கு சொந்தமான 4 ஆயிரத்து 840 ஏக்கர் நிலங்கள் மீட்கப்பட்டிருப்பதாக இந்து சமய அறநிலையத்துறை தெரிவித்துள்ளது.
இது தொடர்பான செய்திக்குறிப்பில், கடந்த 2021 முதல் தற்போது வரை 740 கோவில்களில் அசையா சொத்துக்களில் ஏற்பட்டிருந்த ஆக்கிரமிப்புகள் அகற்றப்பட்டு 6 ஆயிரத்து 324 ஏக்கர் வேளாண் நிலங்களும், ஆயிரத்து 216 கிரவுண்ட் காலி மனைகளும், 187 கிரவுண்ட் பரப்பிலான கட்டடங்களும், 137 கிரவு ண்ட் அளவிலான கோவில் குளக்கரை பகுதிகளும் மீட்டெடுக்கப்பட்டுள்ளதாகவும், இதன்மூலம் சுமார் 5 ஆயிரத்து 813 கோடி சொத்துக்கள் மீட்கப்பட்டுள்ளதாகவும் கூறப்பட்டுள்ளது.