பள்ளி மாணவியை பாலியல் பலாத்காரம் செய்த சமூக வலைத்தள நண்பன்.. குமரியில் அதிர்ச்சி

பள்ளி மாணவியை பாலியல் பலாத்காரம் செய்த சமூக வலைத்தள நண்பன்.. குமரியில் அதிர்ச்சி

கன்னியாகுமரி மாவட்டத்தில் முகநூலில் பழகி பிளஸ் 2 மாணவியை பலாத்காரம் செய்த இளைஞரை போலீசார் கைது செய்து சிறையில் அடைத்தனர்.

குளச்சல் அருகே கோணங்காடு பகுதியை சேர்ந்த +2 மாணவி, தனது பாட்டியுடன் வசித்து வரும் நிலையில், கடந்த ஜூன் மாதம் மாயமானார். அவரது பாட்டி அளித்த புகாரின் பேரில் போலீசார் மாணவியை தேடி வந்தபோது, மாயமான மாணவி திடீரென அவரது உறவினர் வீட்டில் தஞ்சமடைந்தார். இது குறித்து தகவல் அறிந்த குளச்சல் மகளிர் போலீசார், மாணவியிடம் விசாரித்தபோது, இரணியல் ஆலங்கோடு பகுதியை சேர்ந்த லிஜின் என்ற 23 வயது இளைஞருடன் முகநூலில் பழக்கம் ஏற்பட்டதாகவும், மாணவியிடம் ஆசை வார்த்தைகள் கூறி அவரை பாலியல் பலாத்காரம் செய்தது தெரியவந்தது. இதனையடுத்து போலீசார் மாணவியை ஆசாரிப்பள்ளம் அரசு மருத்துவமனையில் பரிசோதனைக்காக அனுப்பி வைத்து லிஜினை கைது செய்து சிறையில் அடைத்தனர்.