பறந்து வந்து விழுந்த பட்டாசு - மாமனார், மருமகனுக்கு நேர்ந்த கதி
சிவகாசியில் இருசக்கர வாகனத்தில் பட்டாசு கொண்டு சென்றபோது ஏற்பட்ட விபத்தில் மாமனாரும், மருமகனும் படுகாயம் அடைந்தனர். காளிராஜன் என்பவரும், அவருடைய மருமகன் வசந்தகுமார் என்பவரும், இருசக்கர வாகனத்தில் பட்டாசு பெட்டிகளை கொண்டு சென்றபோது, தெருவில் பட்டாசு வெடித்து கொண்டிருந்தவர்கள் தூக்கி எறிந்த பட்டாசு, இவர்களின் பெட்டியில் விழுந்து, தீ விபத்து ஏற்பட்டது. இதில், இருவரின் உடலிலும் தீக்காயம் ஏற்பட்டு, படுகாயமடைந்த காளிராஜன் உயிருக்கு போராடும் நிலையில் சிவகாசி அரசு மருத்துவமனையின் நவீன தீக்காய சிகிச்சை பிரிவில் சிகிச்சை பெற்று வருகிறார். இந்த விபத்து குறித்து சிவகாசி நகர் போலீசார் விசாரணை மேற்கொண்டு வருகின்றனர்.