மொத்த கோலிவுட்டுக்கும் பேரிழப்பாய் வந்த மரணம்.. அதிர்ச்சியில் தமிழ் திரையுலகம்..3 படங்கள் என்னாகும்?

பிரபல திரைப்படத் தயாரிப்பாளர் டில்லி பாபு காலமானார்... மரகத நாணயம், ராட்சதன், பேச்சுலர், ஓ மை கடவுளே, கள்வன், இரவுக்கு ஆயிரம் கண்கள் ஆகிய படங்களை தயாரித்தவரும், தற்பொழுது மிடில்கிளாஸ், வளையம், யார் அழைப்பது படங்களை தயாரித்து வருபவரும், தமிழ் திரைப்பட தயாரிப்பாளர் சங்கத்தின் செயற்குழு உறுப்பினருமான டில்லி பாபு நேற்று இரவு 12.30 மணியளவில் காலமானார். கடந்த சில மாதங்களாகவே உடல்நலக் குறைவால் தீவிர சிகிச்சையில் இருந்து வந்த டில்லி பாபு சிகிச்சை பலனின்றி உயிரிழந்தார். இவரின் திடீர் மறைவு திரையுலகில் அதிர்ச்சியை ஏற்படுத்தியிருக்கிறது. திரையுலகினர் சமூக வலைதளங்களில் இரங்கல் தெரிவித்து வருகின்றனர். மாலை 4.30 மணியளவில் இறுதி சடங்கு நடைபெறவுள்ளது குறிப்பிடத்தக்கது...