விவசாயிக்கு சர்ப்ரைஸ் கொடுத்து மக்களுடன் மக்களாக அமர்ந்து சாப்பிட்ட ராகவா லாரன்ஸ்
நடிகரும், பிரபல நடன இயக்குநருமான ராகவா லாரன்ஸ், தருமபுரி மாவட்டம் பாலக்கோடு அருகே விவசாயி ஒருவருக்கு இலவசமாக டிராக்டர் வழங்கினார். மாற்றம் என்ற அறக்கட்டளை மூலம் ஏழை மக்களுக்கு உதவி செய்து வரும் ராகவா லாரன்ஸ், விவசாயிகளுக்கு இலவசமாக டிராக்டர்கள் வழங்கி வருகிறார். இதன் ஒரு பகுதியாக, பாலக்கோடு அருகே உள்ள மூங்கப்பட்டி கிராமத்தில் வசித்து வரும் விவசாயி பிரபாகரனுக்கு நேரில் சென்று இலவச டிராக்டர் வழங்கினார். அவருக்கு ஊர் மக்கள் உற்சாக வரவேற்பு அளித்த நிலையில், பொதுமக்களுக்கு சிக்கன் பிரியாணி விருந்து ஏற்பாடு செய்து மக்களுடன் மக்களாக உணவருந்தினார்.