காட்டு யானை தாக்கியதில் தலை நசுங்கி விவசாயி உயிரிழப்பு - கதறி அழுத உறவினர்கள்

ஒற்றை காட்டு யானை தாக்கியதில் தலை நசுங்கி விவசாயி உயிரிழந்த சம்பவம் கிருஷ்ணகிரியில் நிகழ்ந்துள்ளது. கொங்கனப்பள்ளி பகுதியில் 12க்கும் மேற்பட்ட காட்டு யானைகள் முகாமிட்டுள்ளன. இந்த நிலையில் இன்று காலை கொங்கனப்பள்ளி வனப்பகுதியில் இருந்து ஊருக்குள் புகுந்த ஒற்றை காட்டு யானை, விளை நிலத்திற்கு சென்ற திம்மப்பா நாயுடு என்ற முதியவரை விரட்டி என்று மிதித்து கொன்றது. தலைநசுங்கி உயிரிழந்த முதியவரின் உடலை பார்த்த உறவினர்கள் கதறி அழுந்தனர். தகவலறிந்து வந்த வனத்துறை அதிகாரிகள் உயிரிழந்த விவசாயிக்கு அரசு சார்பில் வழங்கும் 5 லட்சம் ரூபாயில் முதற்கட்டமாக 50 ஆயிரம் ரூபாய்க்கான காசோலையை வழங்கினர். பின்னர், காட்டு யானைகளை விரட்ட நடவடிக்கை எடுப்பதாக உறுதி அளித்தனர்.