குழந்தைகள் விற்பனை விவகாரம் : ஆதரவற்ற தாய்-சேய் பட்டியல் மாயம்.. அதிகாரிகள் அதிர்ச்சி

 

மதுரை இதயம் காப்பகத்திற்கு குழந்தைகளுடன் வந்த ஆதரவற்ற பெண்கள் தொடர்பான ஆவணங்கள் மாயமானதால் அதிகாரிகள் அதிர்ச்சி அடைந்துள்ளனர்.மாட்டுத்தவணியில் உள்ள இதயம் அறக்கட்டளை அலுவலகத்தில் சோதனை செய்த அதிகாரிகள், முக்கிய கோப்புகளை கைப்பற்றினர். மதுரை வட்டாட்சியர் முத்துவிஜயன் தலைமையிலான குழு அந்த கோப்புகளை ஆய்வு செய்தது. அந்த பதிவேடுகளில் ஆதரவற்ற முதியவர்கள் விவரங்கள் மட்டும் இருந்துள்ளது. குழந்தைகளுடன் வந்த பெண்கள் குறித்த விவரங்கள் இல்லாததை பார்த்து அதிகாரிகள் அதிர்ச்சி அடைந்தனர். குழந்தை விற்பனை விவகாரம் தொடர்பாக விசாரணை சூடுபிடித்ததால், இதயம் அறக்கட்டளையைச் சேர்ந்தவர்கள் அந்த பதிவேட்டை எடுத்து சென்றிருக்கலாம் என அதிகாரிகள் சந்தேகிக்கின்றனர். இதையடுத்து கடந்த 4 நாட்களில் இம்மையத்திற்கு வந்து சென்றவர்கள் யார் எனகண்காணிப்பு கேமராவை ஆய்வு செய்து வருகின்றனர்