தேசிய அளவில் உறுப்பினர் சேர்க்கையை பா.ஜ.க. மேற்கொண்டு வருகிறது. மிஸ்டு கால் வழங்குதல், இணையதளத்தில் பதிவு செய்தல் போன்றவற்றின் மூலம் உறுப்பினராகும் வசதி ஏற்படுத்தப்பட்டுள்ளது. இந்நிலையில், தனது கணவர் ரவீந்திர ஜடேஜா பா.ஜ.க.வில் இணைந்து இருப்பதாக அவரது மனைவியும் ஜாம்நகர் தொகுதி பா.ஜ.க. எம்.எல்.ஏ.வுமான ரிவாபா ஜடேஜா சமூக வலைதள பக்கத்தில் தெரிவித்துள்ளார். இது தொடர்பாக, தனது கணவர் பா.ஜ.க.வில் இணைந்ததற்கான உறுப்பினர் அட்டையையும் ரிவாபா ஜடேஜா பகிர்ந்துள்ளார்.