விறுவிறுப்புக்கு பஞ்சமில்லாத ஆட்டம்.. உச்சகட்ட எதிர்பார்ப்பில் ரசிகர்கள்.. கெத்து காட்டப்போவது யார்?

டி20 உலகக்கோப்பை தொடரில் இன்று நடைபெறும் லீக் போட்டியில் இந்தியா - பாகிஸ்தான் அணிகள் பலப்பரீட்சை நடத்தவுள்ளன. குரூப் ஏ பிரிவில் இந்திய நேரப்படி இரவு 8 மணிக்கு இந்தப் போட்டி நியூயார்க்கில் தொடங்க உள்ளது. தங்கள் முதல் போட்டியில் அயர்லாந்தை வீழ்த்திய இந்தியா, வெற்றிக்கணக்கை நீட்டிக்கும் முனைப்பில் இன்று களமிறங்க உள்ளது. மறுபுறம் அமெரிக்காவிடம் அதிர்ச்சி தோல்வி அடைந்த பாகிஸ்தான், வெற்றி பெறும் அவசியத்தில் உள்ளது. இந்தியாவும் பாகிஸ்தானும் டி20 உலகக்கோப்பை தொடரில் 7 முறை நேருக்கு நேர் மோதியுள்ளன. இதில் 6 முறை இந்தியாவும் 1 முறை பாகிஸ்தானும் வென்றுள்ளன. இரு அணிகளும் மோதவுள்ள இந்தப் போட்டி இரு நாட்டு ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.