தீவிரமடையும் விவசாயிகள் போராட்டம்.. இன்று மாலை.. நடக்கப்போவது என்ன? | Farmers Protest

பல்வேறு கோரிக்கைகளை வலியுறுத்தி விவசாயிகளின் போராட்டம் தீவிரம் அடைந்துள்ள நிலையில், விவசாயிகளுடன் மத்திய அரசு இன்று பேச்சுவார்த்தை நடத்தவுள்ளது.

குறைந்த பட்ச ஆதார விலை உள்ளிட்ட பல்வேறு கோரிக்கைகளை வலியுறுத்தி போராட்டத்தில் ஈடுபடுவதற்காக, டெல்லியை நோக்கி விவசாயிகள் படையெடுத்து வருகின்றனர். அவர்களை தடுப்புகள் அமைத்தும் தடுக்கும் போலீசார், அவர்கள் மீது கண்ணீர் புகை குண்டுகளை வீசி வருகின்றனர். இதனால் டெல்லி எல்லையில் பதட்டமான சூழல் நிலவி வருகிறது. இந்தநிலையில், விவசாய சங்கங்களோடு மத்திய அரசு இன்று பேச்சுவார்த்தை நடத்தவுள்ளது. மத்திய அமைச்சர்கள் அர்ஜுன் முண்டா, பியூஷ் கோயல் மற்றும் நித்யானந்த் ராய் ஆகியோர் தங்களிடம் பேச்சுவார்த்தை நடத்தவுள்ளதாக, விவசாய சங்க தலைவர் ஜக்ஜித் சிங் தலேவால் தெரிவித்துள்ளார். இந்த பேச்சுவார்த்தை இன்று மாலை சண்டிகரில் நடைபெறும் என தகவல் வெளியாகியுள்ளது.