தமிழகத்தில் தேர்தல் ஏற்பாடுகள் குறித்து மாவட்ட ஆட்சியர்கள் மற்றும் காவல்துறை கண்காணிப்பாளர்களுடன் தமிழக தலைமை தேர்தல் அதிகாரி சத்யபிரதா சாகு இன்று முக்கிய ஆலோசனை நடத்துகிறார்.

ஜம்மு-காஷ்மீரில், உள்ள ராம்நகர் தொகுதி பா.ஜ.க. வேட்பாளர் ஜிதேந்திர சிங்கை ஆதரித்து, கிரிக்கெட் வீரர் கவுதம் கம்பீர் பிரசாரம் செய்தார்.

விருதுநகர் மக்களவை தொகுதி மற்றும் சாத்தூர் சட்டமன்ற தொகுதியில் போட்டியிடும் நாம் தமிழர் கட்சி வேட்பாளர்களை ஆதரித்து அக்கட்சியின் தலைமை ஒருங்கிணைப்பாளர் சீமான் சிவகாசியில் பிரசாரம் மேற்கொண்டார்.

ஓசூர் சட்டமன்ற இடைத்தேர்தலில் அமமுக சார்பில் போட்டியிடும் புகழேந்தியை ஆதரித்து பாடகர் மனோ மற்றும் இசையமைப்பாளர் தீனா ஆகியோர் பிரசாரத்தில் ஈடுபட்டனர்.

தென் சென்னை அதிமுக வேட்பாளர் ஜெயவர்தனை ஆதரித்து தமிழ் மாநில காங்கிரஸ் கட்சி தலைவர் ஜிகே வாசன் பிரசாரத்தில் ஈடுபட்டார்.

திண்டுக்கல் மாவட்டம் நிலக்கோட்டை சட்டமன்ற இடைத் தேர்தலில் போட்டியிடும் அமமுக வேட்பாளர் தங்கதுரை, கடந்த 10-ஆம் தேதி அன்று சிறுவர்களை அழைத்து சென்று பிரச்சாரத்தில் ஈடுபட்டதாக குற்றச்சாட்டு எழுந்தது.

வரும் மக்களவைத் தேர்தலில் தி.மு.க., காங்கிரஸ் கூட்டணிக்கு தென்னிந்திய கரும்பு விவசாயிகள் சங்கம், உழவர் உழைப்பாளர் சங்கம் உட்பட 27 விவசாய அமைப்பு தலைவர்கள் ஆதரவு தெரிவித்துள்ளனர்.

தமிழக முதலமைச்சரும், துணை முதலமைச்சரும் சுயநலத்துடன் செயல்படுவதாக முன்னாள் அமைச்சர் ராஜகண்ணப்பன் குற்றம்சாட்டினார்.

ஆந்திர மாநிலத்தில் மின்னணு வாக்குப் பதிவு இயந்திரம் பழுதானதால், பல வாக்குச்சாவடியில் நள்ளிரவு 12 மணி வரை வாக்காளர்கள் வாக்குகளை பதிவு செய்துள்ளனர்.

எதிர்க்கட்சியினர் செய்த சதியே, பெட்ரோல் குண்டு தாக்குதல் என மத்திய சென்னை தி.மு.க. வேட்பாளர் தயாநிதிமாறன் குற்றம்சாட்டியுள்ளார்.

ராமநாதபுரம் மாவட்டம் ராமேஸ்வரம் அடுத்துள்ள பாம்பன் பாலத்தில் வாக்காளர் விழிப்புணர்வுக்காக மனித சங்கிலி பேரணி நடைபெற்றது.

மயிலாடுதுறையில் பிரச்சாரத்திற்கு வந்த கமலஹாசன், கட்சித் தொண்டரின் குழந்தைக்கு பெயர் சூட்டினார்.