பிறந்தநாளில் போலீசார் கொடுத்த செம சர்ப்ரைஸ் - தென்காசியை பரபரப்பாகிய சம்பவம்
தென்காசியில் பொதுமக்களுக்கு இடையூறு செய்யும் வகையில் பிறந்தநாள் கொண்டாடிய இளைஞரை போலீசார் கைது செய்தனர். கிருஷ்ணன் என்ற இளைஞர், தென்காசி புதிய பேருந்து நிலையம் பகுதியில் தனது பிறந்தநாளை அலப்பறையுடன் கொண்டாடியுள்ளார். மேளதாளம், ஆளுயர மாலை என சொகுசு காரின் முன்பு கேக்கை வைத்து வெட்டியுள்ளார். இதனால், அப்பகுதியில் போக்குவரத்து பாதித்துடன், பொதுமக்கள் பெரும் சிரமத்திற்கு ஆளாகி உள்ளனர். இதனிடையே, அங்கு வந்த தென்காசி காவல் ஆய்வாளர் தலைமையிலான போலீசார், இளைஞரை அதிரடியாக கைது செய்து அழைத்து சென்றதால் பரபரப்பு ஏற்பட்டது.