திடீரென இடிந்து விழுந்த மேற்கூரை... அங்கன்வாடி மையத்தில் அதிர்ச்சி சம்பவம் | Pudukkottai

புதுக்கோட்டை மாவட்டம் அன்னவாசல் ஒன்றியம் மலைக்குடிபட்டி லட்சுமிபுரம் பகுதியில் குழந்தைகளுக்கான அங்கன்வாடி மையம் இயங்கி வருகின்றது. இங்கு 30க்கும் மேற்பட்ட குழந்தைகள் படித்து வருகின்றனர். இந்த கட்டிடம் மிகவும் பழுதடைந்து இருந்த நிலையில், இப்பகுதி மக்கள் பலமுறை அதிகாரிகளிடம் புகார் அளித்தனர். ஆனால் புகார்களின் மேல் எந்த நடவடிக்கையும் இல்லாமல் இருந்தது. இந்த நிலையில், இன்று காலை எட்டு முப்பது மணி அளவில் அங்கன்வாடி கட்டிடத்தில் மேல் கூரை திடீரென்று இடிந்து விழுந்தது. நல் வாய்ப்பாக குழந்தைகள் யாரும் வராமல் இருந்ததால், பாதிப்பு தடுக்கப்பட்டது. கடந்த இரண்டு தினங்களுக்கு முன்பு, மாவட்ட ஆட்சியர் அருணா அங்கன்வாடி மையத்தை ஆய்வு செய்தது குறிப்பிட தக்கது