யங் Girls முன் கெத்து காட்டி பல்பு வாங்கிய தனிக்காட்டு ராஜா.. "இன்ஸ்டா செலிபிரிட்டினா பெரிய இவனா?"

கல்லூரி மாணவிகள் முன் பைக்கில் வீலிங் செய்து கெத்து காட்டிய கல்லூரி மாணவர் ஒருவரை, போலீசார் தட்டித் தூக்கி கதற வைத்த சம்பவம் குறித்து விவரிக்கிறது இந்த செய்தி தொகுப்பு...மூர்க்கத்தனமான மமதையில், கல்லூரி மாணவிகள் முன் அட்ராசிட்டி செய்த இந்த மாணவனின் ரீல்ஸ் வீடியோக்கள் இணையத்தில் வைரலாகி சர்ச்சையை ஏற்படுத்தியது...கன்னியாகுமரி மாவட்டம் நாகர்கோவிலில் உள்ள தனியார் கல்லூரியில் படித்து வரும் இவர், அப்பகுதி இளைஞர்களிடையே இன்ஸ்டா செலிபிரிட்டியாக வலம் வந்ததாக சொல்லப்படுகிறது...இதன் விளைவே இந்த அட்ராசிட்டி என கூறப்படும் நிலையில், மாணவரை தட்டித்தூக்கிய கன்னியாகுமரி போலீசார்... வாலை ஒட்டாய் நறுக்குவதுபோல் தலைமுடியை நறுக்கி சம்பவம் செய்திருக்கின்றனர்..மாணவரை அவரின் பைக் நம்பரை வைத்து தட்டித் தூக்கிய போலீசார், காவல் நிலையம் அழைத்து வந்து நாலாயிரம் ரூபாய் அபராதம் விதித்ததோடு, தலைமுடியை சீராக வெட்டி வந்தால்தான் பைக்கை தருவதாக கூறியிருக்கின்றனர்..அவ்வளவுதான், யார்ரா இந்த பையன்.. ஏ நான்தான் அந்த பையன் என வந்து பைக்கை வாங்கியிருக்கிறார் இந்த தனிக்காட்டு ராஜா... கூடவே, இளைஞரின் பெற்றோரை வரவழைத்து அறிவுரை கூறிய போலீசார், இளைஞரை எச்சரித்து அனுப்பி வைத்திருக்கும் நிலையில், போலீசாரின் இந்த நடவடிக்கையை பலரும் பாராட்டி வருகின்றனர்..