நள்ளிரவு ஒரு மணி..கும்மிருட்டுக்குள் தனி ஆளாக உயிருக்கு போராட்டம்...சேதி கேட்டு பறந்த TN போலீஸ்

நள்ளிரவு ஒரு மணி..கும்மிருட்டுக்குள்

தனி ஆளாக உயிருக்கு போராட்டம்

சேதி கேட்டு தீயாய் பறந்து தூக்கிய TN போலீஸ்

மரண குழிக்கு வழிகாட்டி கூகுல் மேப்?

சபரிமலை ஐயப்பனை தரிசிக்க வந்த கர்நாடகாவைச் சேர்ந்த மாற்றுத்திறனாளி ஒருவர், கூகுள் மேப் பார்த்து வழி தவறிப்போய் ஆற்று சகதியில் சிக்கிய நிலையில், கர்நாடக போலீசாரின் உதவியோடு தமிழ்நாடு போலீசார் அவரை பத்திரமாக மீட்டுள்ளனர்.

திண்டுக்கல் மாவட்டம், வத்தலக்குண்டு அடுத்த பட்டிவீரன்பட்டி பகுதியில் தான், இந்த சம்பவம் அரங்கேறியுள்ளது..

கர்நாடக மாநிலம், மங்களூரைச் சேர்ந்தவர் ஐயப்ப பக்தர் பரசுராமா. 30 வயதான இவர், மாற்றுத்திறனாளியும் கூட. இவர் மாற்றுத்திறனாளிகளுக்கான தனது மூன்று சக்கர வாகனத்திலேயே.. கர்நாடக மாநிலத்தில் இருந்து, திண்டுக்கல் வத்தலகுண்டு வழியாக சபரிமலைக்கு சென்று ஐயப்பனை தரிசனம் செய்துவிட்டு திரும்பியுள்ளார்..

கூகுள் மேப்பைப் பார்த்துக் கொண்டே வந்தபோது, பரசுராமா அந்த பகுதியில் இருந்து ஆற்றின் சகதியில் சிக்கிக்கொண்டு உள்ளார். பின்னர், சகதியிலிருந்து 3 சக்கர வாகனத்தை மீட்க முடியாமல், இரவு 8 மணி முதல் நள்ளிரவு ஒரு மணிவரை உணவும் இல்லாமல் பரிதவித்துள்ளார். பிறகு, ஒருவழியாக, இதுகுறித்து கர்நாடகா போலீசாருக்கு தனது செல்போன் மூலம் அவர் அளித்த தகவலின் பேரில், தமிழ்நாடு காவல் கட்டுப்பாட்டு அறைக்கு இந்த தகவல் போயிருக்கிறது..

இதையடுத்து, காவல் கட்டுப்பாட்டு அறையில் அளித்த தகவலின் பேரில், சம்பவம் இடத்திற்கு உடனடியாக விரைந்து வந்த வத்தலக்குண்டு போலீசார், நீண்ட நேரப்போராட்டத்திற்கு பிறகு சகதிக்குள் இருந்த அவரை கண்டுபிடித்துள்ளனர்..

அப்போது, நள்ளிரவில் சகதியில் சிக்கிக்கொண்டு மெயின் ரோட்டிற்கு வர முடியாமல் தவித்துக் கொண்டிருந்த பரசுராமாவை வத்தலகுண்டு காவல் நிலைய சார்பு ஆய்வாளர் ஷேக் அப்துல்லா, பட்டிவீரன்பட்டி காவல் நிலைய இரவு ரோந்து சிறப்பு சார்பு ஆய்வாளர் உள்ளிட்ட போலீசார் மீட்டு பட்டிவீரன்பட்டி காவல்நிலையத்திற்கு அழைத்துக் கொண்டுபோய் உணவளித்து அவரது பசியை தீர்த்துள்ளனர்.

இந்த தகவல் தமிழ்நாடு காவல் கட்டுப்பாட்டு அறையில் இருந்து கர்நாடக போலீசாருக்கு தகவல் தெரிவிக்கப்பட்டது. இப்படி நள்ளிரவில், கூகுள் மேப் பார்த்தபடி மூன்று சக்கர வாகனத்தில் வழி தவறி சென்று ஆற்று சகதியில் சிக்கிய மாற்றுத்திறனாளி ஐயப்ப பக்தரை பத்திரமாக மீட்ட தமிழ்நாடு, வத்தலகுண்டு மற்றும் பட்டிவீரன்பட்டி போலீசாரை கர்நாடக போலீசார் பாராட்டி நன்றி தெரிவித்துள்ளனர்.