சென்னை கோட்டூர்புரம் மத்திய கைலாஷ் சந்திப்பு ஓ.எம்.ஆர் சாலையில் பாலம் கட்டும் பணி நடந்து வருவதால், போக்குவரத்து நெரிசல் ஏற்படும் நிலையில், அதற்கு தீர்வு காணும் வகையில் நாளை முதல் சோதனை ஓட்டம் அடிப்படையில் போக்குவரத்து மாற்றப்படவுள்ளது.
அடையாறில் இருந்து கிண்டி நோக்கி வரும் வாகனங்கள் மத்திய கைலாஷ் சந்திப்பில் ஓ.எம்.ஆர் சாலை நோக்கி திருப்பி விடப்படும். அந்த வாகனங்கள் தரமணி CPT பாலிடெக்னிக் கல்லூரியின் முன்புறம் யு டர்ன் எடுத்து மத்திய கைலாஷ் நோக்கி செல்லலாம்...
கிண்டியில் இருந்து அடையாறு மற்றும் ஓ.எம்.ஆர் நோக்கி வரும் வாகனங்கள் தற்போது போலவே எந்த மாற்றும் இல்லாமல் செல்லலாம்.
ஓ.எம்.ஆர்-ல் இருந்து கிண்டி நோக்கி வரும் மாநகர பேருந்துகள் மத்திய கைலாஷில் நியமிக்கப்பட்ட தனிப்பாதையில் அனுமதிக்கப்படும். கோயிலுக்கு வரும் பயணிகளை பின்புறத்தில் இறக்கிவிட வேண்டும்...
இந்த போக்குவரத்து மாற்றமானது மத்திய கைலாஷ் சந்திப்பில் காத்திருப்பு நேரத்தை குறைப்பதோடு. சீரான போக்குவரத்தையும் ஏற்படுத்த வழிவகை செய்யும்...