சென்னை திருவொற்றியூர் தேரடி சன்னதி தெருவில் ஸ்ரீ வடிவுடையம்மன் கோயில் அமைந்துள்ளது. பரபரப்பான இந்த சாலையில், அங்கு வந்த வடமாநில இளைஞர் ஒருவர் தன் கையில் கத்தியை வைத்துக் கொண்டு அங்கிருப்பவர்களை மிரட்டியுள்ளார். மேலும் பலூன் விற்பனை செய்த வந்த சிறுவர்களையும் கத்தியுடன் மிரட்டியதாக கூறப்படுகிறது. அப்பகுதியை சேர்ந்த சிலர், கத்தியுடன் அச்சுறுத்தி வந்த வடமாநில இளைஞரை பிடித்து காவல்துறையினரிடம் ஒப்படைத்தனர். இளைஞருக்கு மனநிலை பாதிக்கப்பட்டுள்ளதா, அல்லது போதையில் இவ்வாறு செய்தாரா என போலீசார் தற்போது விசாரணை மேற்கொண்டு வருகின்றனர். சமீபத்தில் இதே பகுதியில் கொலை ஒன்று நடந்த நிலையில், பொது மக்கள் இப்பகுதியில் பாதுகாப்பை அதிரிக்க வேண்டும் என கோரிக்கை வைத்துள்ளனர்.