எல்லைமீறிய மச்சான்.. குத்திய குத்தில் கத்தியே உடைந்தது.. சென்னை போலீஸ் ஸ்டேஷனில் பகீர்
சென்னை ஆவடி மகளிர் காவல் நிலையத்தில், விசாரணையின் போது நடந்த கத்திக்குத்து சம்பவம் பரபரப்பை ஏற்படுத்தியுள்ளது. ஆவடி காமராஜர் நகரை சேர்ந்த குரு சத்யா, திவ்யா என்பவரை திருமணம் செய்த நிலையில், வேறொரு பெண்ணுடன் தகாத உறவில் இருந்ததாக கூறப்படுகிறது. இதனால் திவ்யா, விவாகரத்து கோரி வழக்கு தொடர்ந்தார். இதனால் குரு சத்யா தகராறில் ஈடுபட்டதால் ஆவடி மகளிர் காவல்நிலையத்தில் விசாரணை நடைபெற்றது. அப்போது, தகாத வார்த்தையால் குரு சத்யா பேசியதால் ஆத்திரமடைந்த திவ்யாவின் அண்ணன் மகேஸ்வரன், கத்தியால் குரு சத்யாவின் முதுகில் குத்தியதில், பாதி கத்தி உடைந்து முதுகிலேயே சிக்கியது. இதையடுத்து குருசத்யா, மருத்துவமனையில் அனுமதிக்கப்பட்ட நிலையில், மகேஸ்வரனை போலீசார் கைது செய்து புழல் சிறையில் அடைத்தனர்.