வழிவிடுவதில் தகராறு..! பெட்ரோல் ஊற்றி காரை எரித்த டிரைவர்..! சென்னையில் அதிர்ச்சி சம்பவம்

மதுரை வாயலை அடுத்த வானகரம் பகுதியைச் சேர்ந்த பார்சல் சர்வீஸ் நிறுவனத்தின் வாகனம், மதுரவாயல் - தாம்பரம் பைபாஸ் சர்வீஸ் சாலையில் வந்துள்ளது. எதிரே, தனியார் ட்ரான்ஸ்போர்ட் வாகனம் வந்துள்ளது. எதிரெதிரே வாகனங்கள் வந்த நிலையில் வழி விடுவதில் இருதரப்பினருக்கும் இடையே தகராறு ஏற்பட்டு, கைகலப்பாக மாறியுள்ளது. இதில், கற்களை வீசி ஒருவரை ஒருவர் தாக்கிக் கொண்டுள்ளனர். பின்னர், இருதரப்பினரும் அங்கிருந்து சென்ற நிலையில், தனியார் ட்ரான்ஸ்போர்ட் நிறுவன வாகனத்தை ஓட்டி வந்த அஜித் என்பவர், பார்சல் சர்வீஸ் நிறுவனத்திற்கு சென்று, அங்கு நின்றிருந்த காரை பெட்ரோல் ஊற்றி எரித்துள்ளார். இதில், கார் முழுவதும் எரிந்து சேதமடைந்தது. இதுதொடர்பாக, இருதரப்பிலும் அளிக்கப்பட்ட புகார்களின் பேரில், அரிச்சந்திர பிரசாத், மதுசூதனன், கார்த்திக், பாஸ்கர் ஆகிய நான்குபேரை பிடித்து போலீசார் விசாரணை நடத்தி வருகின்றனர்.