அலறவிட்ட சஞ்சு சாம்சன்..துவம்சமான தென்னாப்பிரிக்கா - தொடரை வென்ற இந்தியா

தென் ஆப்பிரிக்காவிற்கு எதிரான கடைசி டி20 போட்டியில் 135 ரன்கள் வித்தியாசத்தில் அபார வெற்றி பெற்ற இந்தியா, டி20 தொடரையும் கைப்பற்றியது. ஜோகன்னஸ்பர்க் நகரில் நடைபெற்ற கடைசி டி20 போட்டியில் சஞ்சு சாம்சன் மற்றும் திலக் வர்மாவின் அதிரடி சதத்தால் இந்தியா ஒரு விக்கெட் இழப்புக்கு 283 ரன்கள் குவித்தது.

தொடர்ந்து 284 ரன்கள் என்ற இமாலய இலக்கை நோக்கி ஆடிய தென் ஆப்பிரிக்கா விக்கெட்டுகளைப் பறிகொடுத்து தடுமாறியது. 148 ரன்களுக்கு தென் ஆப்பிரிக்கா ஆல்-அவுட் ஆன நிலையில், ஒருதரப்பாக அமைந்த போட்டியில் 135 ரன்கள் வித்தியாசத்தில் வெற்றி பெற்ற இந்தியா, 4 போட்டிகள் கொண்ட டி20 தொடரை 3க்கு 1 என்ற கணக்கில் வென்றது.