வலையால் பூனையை பிடித்து அடித்து கொன்ற சம்பவம்.. மூன்று பேர் மீது வழக்கு பதிவு - பரபரப்பு சிசிடிவி காட்சிகள்

கர்நாடகாவில், பூனையை அடித்து கொன்ற இளைஞர்கள் மீது போலீசார் வழக்கு பதிவு செய்துள்ளனர். கர்நாடகாவின் விஜயநகர மாவட்டம் ஒசப்பேட்டையை அடுத்து உள்ள பிரகாஷ் நகரில், பூனை ஒன்று வீடுகளுக்குள் நுழைந்து தொல்லை கொடுத்து வந்துள்ளது. இதனால், ஆத்திரத்தில் இருந்த அப்பகுதி இளைஞர்கள் மூன்று பேர், பூனையை வலையால் பிடித்து அதனை அடித்தே கொன்றுள்ளனர். இந்த சம்பவம் அதே பகுதியில் உள்ள உசேன் என்பவரது வீட்டு சிசிடிவியில் பதிவாகியுள்ளது. புகாரின் அடிப்படையில் தீவிர விசாரணை நடத்தி வந்த போலீசார், பூனையை கொன்ற சீனு, பிரதீப் உள்ளிட்ட மூன்று பேர் மீது வழக்கு பதிவு செய்துள்ள நிலையில், பூனையை இளைஞர்கள் வலை விரித்து பிடித்து அடித்து கொல்லும் சிசிடிவி வெளியாகி சோகத்தை ஏற்படுத்தியுள்ளது.