பள்ளி மாணவர்களுடன்.... திடீரென பற்றியெரிந்த பஸ்... டிரைவர் செய்த செயல்... பதற வைக்கும் காட்சி

உத்தரப்பிரதேச மாநிலத்தில், பள்ளி பேருந்தில் ஏற்பட்ட திடீர் தீ விபத்தில், மாணவர்கள் நல்வாய்ப்பாக உயிர்த்தப்பினர்.

டெல்லி பிரீத் விஹார் பகுதியில் செயல்படும் தனியார் பள்ளியின் பேருந்து, உத்தரப்பிரதேச மாநிலம் காசியாபாத்தில் மாணவர்களை ஏற்றிக் கொண்டுசென்று கொண்டிருந்தது. அந்த பேருந்தில் 16 மாணவர்கள் பயணம் செய்தனர். அப்போது, அந்த பேருந்தில் திடீரென தீப்பற்றியது. உடனடியாக பேருந்தை நிறுத்திய ஓட்டுநர் மாணவர்களை பத்திரமாக கிழே இறக்கி விட்டு, தீயணைப்புத் துறைக்கு தகவல் அளித்தார். சம்பவ இடத்திற்கு வந்த தீயணைப்பு வீரர்கள், தீயை அணைத்து கட்டுக்குள் கொண்டு வந்தனர். மாணவர்கள் பேருந்திலிருந்து உடனடியாக இறக்கப்பட்டதால், அசம்பாவிதங்கள் தவிர்க்கப்பட்டன.